Ola amigas e amigos! Xuntos de novo!
O frío fixo aparición e xa deixamos atrás o mes de novembro.
BENVIDA ÁS NOVAS E AOS NOVOS COLABORADORES
Dixen ata logo e moitas grazas aos colaboradores de 6º que tanto me axudaron e dou a benvida a Aarón, Candela e Carla C. Tamén a Chon, Elías e Gema. Ademais de María, Marcos, Miguel D. e Paula A. Espero non esquecer a ninguén!!!
![](https://blogger.googleusercontent.com/img/b/R29vZ2xl/AVvXsEgEiaAyX_GsjF5_X6RpEXNxpfuJd7YaJFh3fsPahP8flGUhTUUdrxZZyLPq1aEfIJWH9Fr7wpU081wor8EzR5XeiR9RYUP0AAdsy09UAFFJxDKMWPMppOjRuJ08MTKnbYvk2CwWTfBPun4/s320/CUENTACUENTOS+3.png)
CONTOS EN FAMILIA
Cantas amigas e cantos amigos me visitaron xunto cos seus pais e coas súas nais!!
![](https://blogger.googleusercontent.com/img/b/R29vZ2xl/AVvXsEgEiaAyX_GsjF5_X6RpEXNxpfuJd7YaJFh3fsPahP8flGUhTUUdrxZZyLPq1aEfIJWH9Fr7wpU081wor8EzR5XeiR9RYUP0AAdsy09UAFFJxDKMWPMppOjRuJ08MTKnbYvk2CwWTfBPun4/s320/CUENTACUENTOS+3.png)
Pasámolo estupendamente e fixemos cousas xeniais e divertidas coas nosas mans!
REMATAMOS O MES DA CIENCIA EN FEMININO
A verdade é que que foron uns trinta días moi entretidos e ... científicos. Lembrades que tiñamos o firmamento cheo de estrelas da ciencia galega?
O equipo da biblioteca máis eu queremos agradecer desde aquí a labor, o traballo e o esforzo das mulleres científicas galegas de todos os tempos.
Velaquí unha pequena lembranza da primeira enfermeira da historia en misión internacional: dona Isabel Zendal Gómez, galega nacida en Agrela que vivíu a finais do século XVIII.
E por si alguén de vós aínda pensa que a ciencia non é interesante, botade unha ollada ao seguinte enlace:
ÁRBORES DOS BOS DESEXOS
Xa, para rematar, gustaríame pedirvos axuda para encher árbores de bos desexos e facer, no mes de decembro na biblioteca, o BOSQUE DAS ÁRBORES DOS BOS DESEXOS.
As miñas amigas e os meus amigos de 1º e 2º de primaria xa me botaron unha man... agora faltas ti!
Pregúntalle á túa titora ou ao teu titor e anímate a DESEXAR...
ATA A VISTA!!!