O martes 24 de febreiro os alumnos de 5º recibimos na biblioteca do Mosteiro a visita de Ana Alonso, escritora, bióloga , profesora de secundaria e importante autora de obras de literatura xuvenil. Un dos seus últimos títulos “La herencia de Pedro” é un dos libros que lemos neste curso . Ana Alonso contounos que comezou a escribir sendo nena, pero que non foi ata a universidade cando empezou a publicar os textos que escribía. Estos relatos atópanse recollidos nunha colección da editorial Anaya chamada “Pizca de sal”. Antes de rematar a visita e, despois de contestarnos ás preguntas que lle formulamos, Ana Alonso firmounos o libro a todos . Xa por último asinou no libro de visitas da biblioteca e deixou a súa pegada para que sempre a lembremos.