Nos tempos que vivimos, que sempre estamos apresurados, ansiosos, inmersos nunha sociedade de consumo, parece fundamental traballar os valores, os afectos, as tradicións, os costumes familiares, o tempo de compartir, o dialogo, o convivir da familia. Imos revalorizar a figura dos avós, e para recordar as persoas de terceira idade, rescatamos os avós dos nenos/as do noso centro. As actividades que imos realizar no centro pretenden revalorizar a familia, sobre todo os nosos avós, compartir experiencias, anécdotas, actividades, para que o neno valore e respete os seus avós como integrantes do grupo familiar e comparta con eles vivencias.