Ola mosteiriñas e mosteiriños! As vacacións do Nadal están a punto de chegar, e con elas os regalos máis desexados. Por suposto, entre todos os paquetes, non pode faltar un bo libro para devorar durante as vacacións! Por iso traémosvos hoxe...
Tamén incluímos algún xogo!
Imos comezar por infantil:
- "¡Shhh!", de Chris Haughton. Unha pequena aventura de desastrosos plans.
- "La Ovejita que vino a cenar", de Steve Smallman. Un libro cunha peculiar amizade.
- "Isto non é unha selva", de Susanna Isern. A historia dunha nena que aprendeu a dicir que non.
- Xogo Zooloco. Para aprender as cores e as formas mentres o pasamos pipa!
Para o 1º ciclo:
- "Mía Fantasía", de Elisenda Roca. Coñece a unha divertida bruxa e aos seus veciños demasiado normais.
- "El Dragón de las Letras", de Begoña Oro. Para os primeiros lectores que queren descubrir a maxia dos libros a través dun dragón escupe-letras.
- "O lobo con botas", de El Hematocrítico. Dálle unha volta a esas historias que todos coñecemos.
- Xogo Palabrea. Atopa unha palabra que corresponda coa letra da tarxeta. A mente máis rápida gañará!
No 2º ciclo:
- "Ilumianatomía", de Kate Davies. Descubre todos os segredos do corpo humano.
- "Aprende banda deseñada con Fiz", de Kiko da Silva. Convértete nun maestro do cómic coa compañía de Fiz, o neno máis porco do mundo.
- "Los Cazamisterios", de Patricia García-Rojo. Vive unha aventura extravagante con estes tres rapaces e desentraña o misterio...
- Xogo Duplik. ¿Non sabes debuxar? Non te preocupes, que neste xogo podes gañar igualmente. O artista que máis condicións cumpla gaña!
E para finalizar, o 3º ciclo:
- "Cuatro Lunas", de Laura Gallego. Unha serie de libros fantásticos, cheos de aventuras e maxia.
- "Perro verde", de Alberto Díaz e Álvaro Núñez. Unha disparatada aventura cun protagonista co pelo de cor... verde!?
- "A lagoa das nenas mudas", de Fina Casalderrey. A historia de Amina, unha nena que chega doutro país e que atopa a forma de comunicarse coa súa nova amiga sen palabras.
- Xogo Gua Ta Family. Preparádevos para facer que todo o mundo (papás e mamás incluídas) respondan a preguntas enrevesadas no menor tempo posible. O resultado é para morrer da risa!
Ata aquí as nosas recomendacións. Esperamos que algunha delas apareza baixo a árbore de Nadal! Felices festas!!!