C.E.I.P. MOSTEIRO-BEMBRIVE

Ola mosteiriñas e mosteiriños! As vacacións do Nadal están a punto de chegar, e con elas os regalos máis desexados. Por suposto, entre todos os paquetes, non pode faltar un bo libro para devorar durante as vacacións! Por iso traémosvos hoxe... Tamén incluímos algún xogo! Imos comezar por infantil:      -  "¡Shhh!", de Chris Haughton. Unha pequena aventura de desastrosos plans.           - "La Ovejita que vino a cenar", de Steve Smallman. Un libro cunha peculiar amizade.            - "Isto non é unha selva", de Susanna Isern. A historia dunha nena que aprendeu a dicir que non .         - Xogo Zooloco. Para aprender as cores e as formas mentres o pasamos pipa! Para o 1º ciclo:             - "Mía Fantasía", de Elisenda Roca. Coñece a unha divertida bruxa e aos seus veciños demasiado normais.             - "El Dragón d...

  Como todos os anos, chega a tempada dos sustos! Este Samaín, os mosteiriños e as mosteiriñas disfrazáronse de críticos de cine. Qué medo! Todo o mundo puido gozar dunha película na biblioteca. Os máis pequenos riron a gargalladas co Conde Drácula en  Hotel Transilvania . Pola súa parte, os maiores marabilláronse coa animación de Tim Burton en  Pesadilla antes de Navidad . Desexámosvos un terrorífico Samaín!

Ola mosteiriñas e mosteiriños! O outro día celebramos o Día Internacional das Bibliotecas, e os nenos e nenas de 6º representaron un conto para o resto dos cursos. Os maiores prepararon tamén un bingo para xogar despois da representación, a ver se todo o mundo estivo atento.  Pasámolo xenial! 

 Bo día! Estou aquí para contarvos as múltiples visitas que tivemos nestas últimas semanas. ç En primeiro lugar, as nenas e os nenos de Educación Infantil e do primeiro ciclo de primaria asistiron á biblioteca para presenciar unha obra de teatro en inglés levada a cabo pola academia Kids & Us. Por medio dunha historia moi dinámica acerca da realeza británica, o alumnado cantou, bailou e desfrutou moitísimo. No segundo ciclo recibimos a visita de María da Pontragha, unha excelente contacontos que narrou unha historia da tradición oral galega. Finalmente, tivemos o pracer de contar coa presencia de Andrea Maceiras, unha célebre escritora galega, que acudiu á nosa escolar para falar da súa obra "El enigma de Siempreviva" có alumnado de 5º e 6º de Educación Primaria. Agora que este segundo trimestre cargado de novidades chega ao seu fin, agardamos que desfrutarades e que poidamos sorprendervos có que temos preparado para o terceiro trimestre. Un saúdo e ata pronto!

Ola a todas e a todos! Neste segundo trimestre arrancamos dunha vez por todas có cine na biblioteca.  O Cine Mosteiro está a ser un éxito! O alumnado está a tope có Cine Mosteiro e esgota as entradas cada xoves. Pero... tranquilidade! Ningúen se queda sen acudir ao cine. As sesións repítense ata que todas as nenas e os nenos que o desexen poidan asistir. Se non puideches asistir a unha sesión de cine, non tes que preocuparte. A sesión repítese o xoves seguinte para as nenas e os nenos que non puideron acudir a primeira vez. Polo de agora, xa visualizamos "Los Green en la gran ciudad" e "Flipante Noa". Encantáronnos os capítulos!  Unha aperta moi grande. Vémonos pronto con moitas máis novidades!