C.E.I.P. MOSTEIRO-BEMBRIVE

  Como todos os anos, chega a tempada dos sustos! Este Samaín, os mosteiriños e as mosteiriñas disfrazáronse de críticos de cine. Qué medo! Todo o mundo puido gozar dunha película na biblioteca. Os máis pequenos riron a gargalladas co Conde Drácula en  Hotel Transilvania . Pola súa parte, os maiores marabilláronse coa animación de Tim Burton en  Pesadilla antes de Navidad . Desexámosvos un terrorífico Samaín!

Ola mosteiriñas e mosteiriños! O outro día celebramos o Día Internacional das Bibliotecas, e os nenos e nenas de 6º representaron un conto para o resto dos cursos. Os maiores prepararon tamén un bingo para xogar despois da representación, a ver se todo o mundo estivo atento.  Pasámolo xenial! 

 Bo día! Estou aquí para contarvos as múltiples visitas que tivemos nestas últimas semanas. ç En primeiro lugar, as nenas e os nenos de Educación Infantil e do primeiro ciclo de primaria asistiron á biblioteca para presenciar unha obra de teatro en inglés levada a cabo pola academia Kids & Us. Por medio dunha historia moi dinámica acerca da realeza británica, o alumnado cantou, bailou e desfrutou moitísimo. No segundo ciclo recibimos a visita de María da Pontragha, unha excelente contacontos que narrou unha historia da tradición oral galega. Finalmente, tivemos o pracer de contar coa presencia de Andrea Maceiras, unha célebre escritora galega, que acudiu á nosa escolar para falar da súa obra "El enigma de Siempreviva" có alumnado de 5º e 6º de Educación Primaria. Agora que este segundo trimestre cargado de novidades chega ao seu fin, agardamos que desfrutarades e que poidamos sorprendervos có que temos preparado para o terceiro trimestre. Un saúdo e ata pronto!

Ola a todas e a todos! Neste segundo trimestre arrancamos dunha vez por todas có cine na biblioteca.  O Cine Mosteiro está a ser un éxito! O alumnado está a tope có Cine Mosteiro e esgota as entradas cada xoves. Pero... tranquilidade! Ningúen se queda sen acudir ao cine. As sesións repítense ata que todas as nenas e os nenos que o desexen poidan asistir. Se non puideches asistir a unha sesión de cine, non tes que preocuparte. A sesión repítese o xoves seguinte para as nenas e os nenos que non puideron acudir a primeira vez. Polo de agora, xa visualizamos "Los Green en la gran ciudad" e "Flipante Noa". Encantáronnos os capítulos!  Unha aperta moi grande. Vémonos pronto con moitas máis novidades!  

As nenas e os nenos do Mosteiro-Bembrive desfrutamos moito coa lectura. Por iso, este curso fixemos unha lista dos nosos libros favoritos. Sería marabilloso que Papá Noel ou os Reis Magos trouxeran algunha destas lecturas entre os seus agasallos.  

 Bos días a todas e a todas! O xoves 24 de outubro foi o día internacional das Bibliotecas Escolares. Por iso, as nenas e nenos do Mosteiro-Bembrive acudiron ao longo de toda a semana pasada á inauguración neste curso da nosa biblioteca. Este ano temos moitas novidades! En primeiro lugar, neste curso a nosa biblioteca está moi implicada na consecución dos Obxectivos de Desenvolvemento Sostible (ODS) da Axenda 2030. Polo tanto, cada grupo visualizou un vídeo acerca desta temática có obxectivo de comprender en que consisten. Ademais, descubrimos as caixiñas onde podemos atopar libros relacionados con cada un destes obxectivos. Por outra banda, este ano seguimos contando con diversos clubes na biblioteca á hora do recreo. Ademais dos xa coñecidos clubes de lectura e de lettering, este ano contamos cun clube de xogos de mesa. Agora xa estamos centrados na preparación do SAmaín. Este mércores estaredes todos invitados a visitar a nosa biblioteca do terror... Atrevédesvos? Vémonos pronto...